ឈើព្រៃឡង់ដឹកកក្រើកដីចូលសិប្បកម្មកែច្នៃចៃឡុច មេព្រៃមិនហ៊ានបង្ក្រាបព្រោះអាងខ្នងដន្លងជានាយផ្នែក
18-January-2016 | ដោយ មួយឡា
កំពង់ធំ៖ ប្រជាពលរដ្ឋរាយការណ៍ឲ្យដឹងថាព្រៃឡង់និងត្រូវបានរលាយ ជាមិនខានដោយសារតែ មានសិប្បកម្មយក្សមួយ ចាំអាច្រៀកកែច្នៃដឹកមកលក់នៅទីផ្សារយ៉ាងរំភើយ ដោយពុំមានការអើពើពីសំណាក់ មេព្រៃ និងសមត្ថកិច្ចពាក់ព័ន្ធដោយសារត្រូវបានគេដឹងថា សិប្បកម្មមួយកន្លែងនេះ ពុំមានអ្នកណាហ៊ានចាប់និងប៉ះពាល់នោះទេ ព្រោះមានដន្លងជាមេព្រៃ និងប្អូនជាមេព្រៃ ទើបសមត្ថកិច្ច ឬអាជ្ញាធរចុះទៅបង្ក្រាប តែសិប្បកម្មតូចតាច ចំណែកសិប្បកម្មឈ្មួញដុសស្លែនេះពុំដែលឃើញមានការបង្ក្រាបនោះឡើយ ។
សកម្មភាពការដឹកជញ្ជូនឈើរាប់សិបគោយន្ត និងឡេថង បានដឹកជញ្ជូនចូលសិប្បកម្មយក្ស ដុសស្លែមួយនេះ ដែលត្រូវបានគេដឹងថា ជាកម្មសិទ្ធរបស់ ចែឡុច ស្ថិតនៅក្នុងឃុំដងកាំបិត ស្រុកសណ្តាន់ ខេត្តកំពង់ធំ បានសុំច្បាប់ត្រឹមត្រូវក្នុងការបើកសិប្បកម្ម តែចំណែកផល អនុផលព្រៃឈើ គឺជាការខុសច្បាប់ទាំងស្រុង ដោយសារតែឈ្មួញដុសស្លែដែលល្បីខាងអែបអប មិនចាំបាច់ទិញឈើពីដីសម្បទាន ឬឈើសម្បទាននោះទេ បែរជាចែឡុច ដាក់បក្ខពួក កម្មករ ឲ្យរុករានព្រៃឈើ កាប់អាឈើ ដឹកពីព្រៃឡង់ ដោយមិនខ្លាចញញើត ពីសំណាក់ច្បាប់នោះទេ ការដឹកឈើនេះគឺជាការខុសច្បាប់ ទាំងស្រុង។
លោក នាយសង្កាត់រដ្ឋបាលព្រៃឈើសណ្តាន់ បានឲ្យដឹងថា កាលពីថ្ងៃមុន លោកបានចុះទៅបង្ក្រាបសិប្បកម្មរបស់ម្ចាស់មួយ ដែលនៅជិតគ្នា និងសិប្បកម្មចែឡុច ហើយក៏បានឲ្យម្ចាស់សិប្បកម្មនោះ បញ្ឈប់ក្នុងការទិញឈើដោយខុសច្បាប់យកមកកែច្នៃ ។ ចំណែកសិប្បកម្មរបស់ចែឡុចនេះ លោកពុំបានធ្វើការណែនាំ និងឲ្យបញ្ឈប់នោះទេ ចាំមើលមានពេលទំនេរ លោកនិងចុះទៅម្តងទៀតឲ្យចែឡុចដែលជាម្ចាស់ សិប្បកម្មធ្វើកិច្ចសន្យាម្តង។
តាមប្រភពព័ត៌មានបានឲ្យដឹងថា សិប្បកម្មរបស់ចែឡុច គឺបានសុំច្បាប់មែន។ ដោយសារតែគាត់មិនបានអនុវត្តតាមសេចក្តីណែនាំ នៅក្នុងច្បាប់ក្នុងការប្រមូលកាក សំណល់ពីក្រុមហ៊ុនយកមកកែច្នៃនោះទេ គឺគាត់បានទិញឈើអ្នកភូមិ ដែលមានការអាឈើ កាប់ឈើ ចេញពីព្រៃឡង់ដោយខុសច្បាប់ ហើយជាម្ចាស់សិប្បកម្មដែលមានចរិកអំនួត អួតអាង ដោយសារតែមានសាច់ញ្ញាតិ និងដន្លងជានាយផ្នែករដ្ឋបាលព្រៃឈើទៀតផង ទើបគាត់ឆ្លៀតឱកាស កន្ទេសធំបន្លំដេក ដឹកគំនរឈើ គ្មានញញើតច្បាប់ ។
សូមបញ្ជាក់ផងដែរថាថ្មីៗនេះ សម្តេច ហ៊ុន សែន ប្រមុខរាជរដ្ឋាភិបាល បានយកចិត្តទុកដាក់ ចំពោះព្រៃឈើយ៉ាងខ្លាំង ហើយបានបង្កើតគណៈកម្មការថ្នាក់ជាតិ ឲ្យមានការចូលរួមគ្រប់ស្ថាប័ន ពាក់ព័ន្ធទប់ស្កាត់ការកាប់បំផ្លាញព្រៃឈើ និងអ្នកកាងឈើ រកស៊ីឈើដោយខុសច្បាប់ តែខេត្តកំពង់ធំនៅ មិនទាន់មានវិធានការការពារព្រៃឡង់ឲ្យបានល្អនោះទេ គឺនៅតែមានឈ្មួញដឹកយ៉ាងគគ្រឹគគ្រេង៕
ចំនួនអ្នកទស្សនា
- ថ្ងៃនេះ3121
- ម្សិលមិញ4461
- សប្តាហ៍នេះ7591
- ខែនេះ29471
- ឆ្នាំនេះ29471
- សរុប20471927